المنتديات والشات لمن ؟. للمهيمين؟

يوميا بشوف أخواتي كل واحد على جهازة أأقصد الاب توب بتاعة
ماهو أنا متعودة على كلمة جهاز لأن مافيش غيري بالبيت الى بيستخدم
الجهاز الكبير دة
عموما ماجاتش على الجهاز ..
شاشة أخويا الكبير دائما كلها أنجليزى وأرقام وحجات كبيرة
.
الوسطاني شاشتة برضة أنجليزى بس مش أرقاام بقى لأ دى باين رسومات
وخطو ط وبرنامج كدا بيسموه 3دي مكس
.
الصغير برضه أنجليزى وحجات كبيرة أوي عليه
يلهوي
.
أنا بقى مع انى كبيرة برضة بس شاشتي دائماا عربي
لأ ومافيش غير الماسينجر والمنتديات
بيني وبينكم أنا مخصصة صفحة كدا أنجليزى على حجات فلكية لما حد يخش
عليه بفتحها وأأقعد أبحلق فيها
بس النهاردة سمعت واحد بيقولى أبقى ادينى اللينك الى أنت عايشه عليه دة
أكيد في حجات فظيعة
.
كرهت نفسي
..
خلاص بقى عندي إحساس أن معظم رواد المنتديات والشات على ثلاث
أقسام
. منهم قسمين نادرا لما تقابل فيهم أشخاص مهمين أو طبيعيين
.ماهو مستحيل تلاقي راجل ناضج ومسمي نفسة كابتشيونا ولا فلانتينوا زمانه
عموما الأكترية بتكون للبنات
.
أول قسم ماعندوش أى هدف بحياته فاضي أو بالأصح دماغة فاضية
مستواه العلمي متدني
.
وتانيهم عنده مشاكل نفسية وعيوب خلقية منعته بالتواصل مع العالم
الخارجي ومواجهة الناس فلقى ضالته على صفحات النت لأ ولما تلاقيه
مثلا معلق ولا بيشكر على نقطة معينه تعرف أن النقص عنده في الجزء دة بالذات
.
والأخير وهما الأدباء والكتاب والنقاد والى أعتبروها فرصة ممتازة لنشر
مواهبهم الأدبية بشكل أكبر وتفاعل اكترمن القراء
ولكن للأسف في أقرب لقاء او أجتماع يفقدوا كل مواهبهم وتجيلهم حالة
شلل لما يكتشفوا إن كل قرائهم ومعجبينهم طلعوا من القسم الأول والتاني
.
يمكن اكون ظلمت ناس كتير بكلامي وانا منهم
لكن نادرا لما بلاقي أسامي من المهن دى دكتور طيار. .لواء . . رجل أعمال.
أستاذ بالجامعة . . استشاري
تحت أ سم أى عضو بمنتدى من المنتديات
.
؟؟؟؟؟؟؟؟؟!!!!!!!

يسلمو على الموضوووع

شكرا على الموضوع

..موضوع حلوو

يسلموووووووووووو

حبايبي مشكورين وماقصرتو على الردود ويسلمو إيديكن

يسلمووو ..